Einstaklingsmeðferð

Boðið er upp á einstaklingsmeðferð sem tekur til dæmis á depurð, kvíða, streitu, kulnun, átröskunum, áföllum, sjálfsmyndarvanda og ýmsum erfiðum upplifunum.  Í upphafi meðferðar er vandinn greindur og meðferðaráætlun búin til í kjölfarið.  Oftast er lögð fyrir einhver heimavinna milli meðferðartíma til að auka árangur.  Allar ákvarðanir um slíkt eru teknar í samráði við skjólstæðinginn.  

Sálfræðimeðferð miðar fyrst og fremst að því að auka lífsgæði þess sem hana sækir. Reynt er að aðstoða skjólstæðing við að öðlast skilning og betri stjórn á lífi sínu og aðstæðum. Markmiðið er að finna lausnir á vanda sem hefur fest sig í sessi og sem skjólstæðingur hefur ákveðið að leysa á markvissan hátt.

Eingöngu er notast við gagnreyndar meðferðir - sem sýnt hefur verið fram á í rannsóknum að virka.  Dæmi um þær meðferðarleiðir sem okkar fagfólk notar eru:  

• Hugræn atferlismeðferð - (HAM).
• Acceptance and committment therapy (ACT).
• EMDR áfallameðferð.
• Samkenndarmeðferð (Self-Compassion therapy).
• Núvitundarþjálfun.
• Díalektísk atferlismeðferð (DBT).
• Hugræn berskjöldunarmeðferð (CPT).
• Tilfinningamiðuð parameðferð (EFT).
• Sáttamiðlun.