Elísabet Ósk er fjölskyldufræðingur, ljósmóðir og hjúkrunarfræðingur. Hún starfar sem pararáðgjafi og fjölskyldufræðingur og hefur sérhæft sig í meðferðarvinnu með pörum og fjölskyldum þar sem unnið er með samskipti, tilfinningar og tengsl.

Hún hefur einnig lokið námi í hugrænni atferlismeðferð og MÁPM námi í meðvirkni- og áfallameðferð, sem nýtist í vinnu með einstaklinga sem hafa upplifað áföll í uppvexti og finna fyrir áhrifum þeirra síðar á lífsleiðinni.

Elísabet hefur lokið ICEEFT-viðurkenndu Externship námi í tilfinningamiðaðri parameðferð (EFT) og einnig sérhæfðu EFCT námskeiði með áherslu á kynlíf og nánd í parasamböndum. Hún vinnur út frá tilfinningamiðaðri nálgun (EFT), þar sem lögð er áhersla á að skilja og vinna með tilfinningar og tengslamynstur í nánum samböndum.

Hún hefur jafnframt öðlast alþjóðlega löggildingu í námskeiðshaldi fyrir pör, PREP (Prevention and Relationship Enhancement Program), og lokið námi í Par-tjek hjá Center for Familieudvikling.

Elísabet hefur einnig lokið námi sem sáttamiðlari og viðbótarnámi í meðferðarvinnu með foreldrum og börnum í skilnaðarferli og þjálfun í meðferðarsamtölum við foreldra sem eiga í miklum ágreiningi í kjölfar skilnaðar.

Meðferðarnálgun

Í meðferðarvinnu leggur Elísabet áherslu á að mæta einstaklingum af virðingu, á jafningjagrundvelli og án fordóma. Hún vinnur með rót vandans og nýtir:

• tilfinningamiðaða meðferðarnálgun (EFT)
• tengslakenningar
• meðvirkni- og áfallameðferð
• lausnamiðaða nálgun

Markmið meðferðar er að bæta samskipti, auka skilning á eigin tilfinningum og styðja við öruggari og heilbrigðari tengsl.

Hvað er EFT?

Tilfinningamiðuð meðferð (EFT) er gagnreynd aðferð í parameðferð sem beinist að því að skilja og breyta neikvæðum samskiptamynstrum.

Í mörgum samböndum festast pör í ákveðnum mynstrum, svo sem gagnrýni, varnarviðbrögðum eða fjarlægð. Með tímanum getur þetta leitt til aukinnar spennu, misskilnings og erfiðleika í samskiptum.

Í EFT er unnið markvisst með þessi mynstur. Pör læra að greina hvað gerist í samskiptum þeirra og þróa nýjar leiðir til að bregðast við. Markmiðið er að bæta samskipti, draga úr árekstrum og styrkja tengsl.

Af hverju EFT?

• Aðferðin er gagnreynd og viðurkennd í alþjóðlegu fagumhverfi
• Rannsóknir sýna að 70–75% para upplifa verulegar framfarir
• Um 90% para finna fyrir bættum samskiptum
• Nýtist vel þegar unnið er með áföll, trúnaðarbrot og langvarandi samskiptavanda

Elísabet býður m.a. upp á:

• Einstaklings- og fjölskyldumeðferð
• Parameðferð
• Áfalla- og meðvirknimeðferð
• Skilnaðarráðgjöf, forsjár- og umgengnismál
• Ráðgjöf fyrir stjúpfjölskyldur
• Sáttamiðlun í samskiptaerfiðleikum og ágreiningi
• Ráðgjöf fyrir foreldra og verðandi foreldra
• Einstaklings- og fjölskylduráðgjöf vegna fíknar og/eða vímuefnavanda

Elísabet býður upp á meðferð á íslensku og dönsku.

Elísabet er með starfsleyfi frá Embætti landlæknis.

Hafa samband

elisabet@salfraedistofan.is

527 7600

Nánari upplýsingar: https://ufr.is

Instagram: https://www.instagram.com/urdarbrunnur_fjolskylda