Elísabet Ósk Vigfúsdóttir

Elísabet Ósk er fjölskyldufræðingur og pararáðgjafi og er í grunninn einnig ljósmóðir og hjúkrunarfræðingur. Hún veitir einstaklingum, pörum og fjölskyldum ráðgjöf og meðferð með áherslu á samskipti, tilfinningar, tengsl og þau mynstur sem geta haft áhrif á líðan og náin sambönd.

Hún hefur lokið námi í hugrænni atferlismeðferð og MÁPM meðvirkni- og áfallameðferð, auk framhaldsnáms og sérhæfingar á sviði fjölskyldu- og parameðferðar, sáttamiðlunar og meðferðarvinnu með foreldrum og börnum í skilnaðarferli.

Undanfarin ár hefur Elísabet sérhæft sig enn frekar í parameðferð. Hún hefur lokið ICEEFT-viðurkenndu Externship í tilfinningamiðaðri parameðferð (EFT) og sérhæfðu EFCT-námskeiði og vinnustofum með áherslu á áskoranir tengdar nánd og kynlífi í parasamböndum.

Hún hefur jafnframt öðlast alþjóðlega löggildingu til námskeiðahalds fyrir pör í PREP (Prevention and Relationship Enhancement Program) og lokið Par-tjek námi hjá Center for Familieudvikling.

Elísabet hefur einnig lokið námi sem sáttamiðlari og viðbótarnámi í meðferðarvinnu með foreldrum og börnum í skilnaðarferli og meðferðarsamtölum við foreldra sem eiga í miklum ágreiningi í kjölfar skilnaðar.

Meðferðarnálgun

Í meðferðarvinnu leggur Elísabet áherslu á að mæta fólki af virðingu, á jafningjagrundvelli og án fordóma. Hún vinnur meðal annars út frá tilfinningamiðaðri meðferðarnálgun (EFT), tengslakenningum, meðvirkni- og áfallameðferð og lausnamiðaðri nálgun.

Áhersla er lögð á að skapa skilning á þeim tilfinningum, þörfum og samskiptamynstrum sem hafa áhrif á líðan og tengsl, en jafnframt að vinna á hagnýtan hátt með það sem fólk getur gert til að bæta líðan, samskipti og tengsl.

Í parameðferð nýtir Elísabet meðal annars markviss verkfæri og æfingar sem geta hjálpað pörum að bæta samskiptahæfni, hlusta betur hvort á annað, takast á við ágreining á uppbyggilegri hátt og auka gagnkvæman skilning.

Í einstaklingsmeðferð vinnur hún meðal annars með fólki sem er að takast á við sambandsslit, erfiða reynslu eða afleiðingar fyrri áfalla, meðvirkni, erfiðleika í nánum samböndum eða áskoranir tengdar mörkum og tengslamynstrum. Þar nýtir hún meðal annars áfallamiðaða nálgun og meðvirknimeðferð til að styðja einstaklinginn í að skilja eigin viðbrögð og þarfir og finna nýjar leiðir áfram.

Hvað er EFT?

Tilfinningamiðuð parameðferð (EFT/EFCT) er gagnreynd meðferðarnálgun sem byggir meðal annars á tengslakenningum og beinist að tilfinningum, tengslum og samskiptamynstrum í parasambandinu.

Pör geta fest sig í neikvæðum samskiptamynstrum þar sem til dæmis gagnrýni, varnarviðbrögð eða fjarlægð fara að viðhalda vandanum. Í EFT er unnið að því að hjálpa parinu að þekkja þessi mynstur, skilja betur hvað liggur að baki viðbrögðum hvors annars og finna nýjar leiðir til að mætast.

Áherslan færist þannig frá því að finna hvor hefur rétt fyrir sér eða hvor þarf að breytast yfir í að skilja mynstrið sem verður til á milli parsins og þær tilfinningar og þarfir sem liggja þar undir.

Markmiðið er að rjúfa erfið samskiptamynstur, auka tilfinningalegt öryggi og styrkja tengsl, traust og nánd í sambandinu.

Af hverju EFT?

EFT er gagnreynd og alþjóðlega viðurkennd meðferðarnálgun með umfangsmikinn rannsóknargrunn. Aðferðin hefur verið rannsökuð í áratugi og rannsóknir benda meðal annars til góðs árangurs við að draga úr vanlíðan í parasamböndum og styrkja tengsl.

EFT hefur einnig verið rannsökuð hjá fjölbreyttum hópum og meðal para þar sem erfið reynsla, áföll og fyrri sár hafa áhrif á sambandið.

Elísabet býður meðal annars upp á:

• Einstaklingsmeðferð og ráðgjöf – meðal annars vegna erfiðrar reynslu og áfalla, meðvirkni, tengslavanda, marka og sambandsslita.
• Pararáðgjöf og parameðferð – vegna samskiptaerfiðleika, ágreinings og endurtekinna samskiptamynstra, sem og áskorana tengdra trausti, nánd og kynlífi.
• Fjölskyldumeðferð og fjölskylduráðgjöf – vegna samskiptaerfiðleika, álags, breytinga eða annarra áskorana sem hafa áhrif á tengsl og líðan innan fjölskyldunnar.
• Skilnaðarráðgjöf og foreldrasamstarf – meðal annars vegna forsjár- og umgengnismála og mikils ágreinings í kjölfar skilnaðar.
• Ráðgjöf fyrir foreldra, verðandi foreldra og stjúpfjölskyldur – stuðningur við áskoranir tengdar foreldrahlutverkinu, barneignarferlinu, tengslamyndun við barn og breytingum eða samskiptum innan stjúpfjölskyldna.
• Ráðgjöf vegna fíkni- og vímuefnavanda – fyrir einstaklinga, fjölskyldur eða pör sem verða fyrir áhrifum af fíkn eða vímuefnanotkun.

Elísabet býður upp á ráðgjöf og meðferð á íslensku og dönsku.

Elísabet er með starfsleyfi frá Embætti landlæknis.

Hægt er að leita til Elísabetar hvort sem um er að ræða einstaklingsbundinn vanda, erfiðleika í parasambandi eða áskoranir sem hafa áhrif á fjölskylduna í heild.

Menntun og sérhæfing

Elísabet hefur fjölbreyttan faglegan bakgrunn og hefur samhliða grunnmenntun sinni sótt reglulega framhaldsmenntun og sérhæfingu á sviði fjölskyldu- og parameðferðar, EFT, áfalla- og meðvirknimeðferðar, sáttamiðlunar og vinnu með fjölskyldum í skilnaðarferli.

2026 – ICEEFT-viðurkennt EFT Externship í Emotionally Focused Couple Therapy

2026 – Sérhæft EFCT-námskeið og vinnustofur
Með áherslu á áskoranir tengdar nánd og kynlífi í parasamböndum.

2025 – Par-tjek uddannelsen
Center for Familieudvikling

2024 – Sérhæfing í meðferðarvinnu tengdri skilnaði og miklum ágreiningi foreldra
Center for Familieudvikling

2023 – Nám í sáttamiðlun
Sáttamiðlaraskólinn

2023 – Sérhæfing í verkfærum og aðferðum í parameðferð
Center for Familieudvikling

2023 – Alþjóðleg löggilding í PREP paranámskeiðum og sérhæfing í parameðferð
Center for Familieudvikling

2022 – MÁPM meðvirkni- og áfallameðferð

2020–2022 – Fjölskyldumeðferðarfræði
Endurmenntun Háskóla Íslands

Elísabet hefur jafnframt lokið Diploma-námi í hugrænni atferlismeðferð og er menntuð ljósmóðir og hjúkrunarfræðingur.

Hafa samband

Netfang: elisabet@salfraedistofan.is
Sími: 527 7600

Nánari upplýsingar: Urðarbrunnur fjölskylduráðgjöf
Instagram: Urðarbrunnur fjölskylduráðgjöf á Instagram