Elísabet Ósk Vigfúsdóttir

Elísabet er menntuð fjölskylduráðgjafi, ljósmóðir og hjúkrunarfræðingur. Hún hefur einnig lokið námi í Hugrænni atferlismeðferð og MÁPM námi í meðvirkni- og áfallameðferð sem er aðferð til þess að vinna með einstaklinga sem orðið hafa fyrir áföllum í uppvextinum sem síðar á lífsleiðinni hafa áhrif á þroska, líðan og hegðun einstaklings.

Elísabet veitir bæði einstaklings, fjölskyldu og parameðferð. Hún leggur mikinn metnað í að mæta einstaklingum á jafningjagrundvelli og af fordómaleysi og tileinkar sér skaðaminnkandi hugmyndafræði. Hún sér mikilvægi í því að vinna með rót vandans og notast við tilfinningalega meðferðarnálgun, verkfæri jákvæðrar sálfræði, lausnamiðamiðaða nálgun og hefur tengslakenningar að leiðarljósi. Fæðingarhræðsla foreldra eða úrvinnsla eftir erfiða upplifun foreldra af fæðingu fellur einnig vel undir þá samtalstækni og þá meðferðarvinnu sem hún notast við. 

Hún hefur öðlast víðtæka reynslu sem hjúkrunarfræðingur í Danmörku og sem ljósmóðir bæði á fæðingarvaktinni á HSS og á Landspítala. Síðan 2015 hefur hún starfað á göngudeild mæðraverndar/áhættumæðravernd á LSH þar sem hún hefur sérhæft sig í meðgöngueftirliti kvenna sem eiga við geð- og eða vímuefnavanda að stríða. Áður en hún hóf að sinna fjölskyldumeðferð hefur hún því haft tækifæri að læra og afla sér mikillar reynslu í meðferðarvinnu, bæði með fjölskyldum og einstaklingum.

Elísabet býður m.a. upp á:

• Sérhæfða þjónustu fyrir foreldra með börn eða verðandi foreldra sem glíma við vanlíðan, geðrænan og/eða vímuefnavanda eða hafa áhyggjur af þroska og/eða tengslamyndun til barns.
• Áfalla og meðvirknimeðferð.
• Ráðgjöf vegna samskiptavanda í parasambandi og/eða fjölskyldu.
• Ráðgjöf vegna vímuefnavanda með skaðaminnkandi hugmyndafræði.
  
  

Menntun

2022 – 2022      MÁPM meðferðaraðili (Meðvirkni og áfallameðferð Piu Mellody).

2020 – 2022      Nám í fjölskyldumeðferð hjá Endurmenntun Háskóla Ísland.

2015 – 2016      Nám í Hugrænni atferlismeðferð hjá Endurmenntun Háskóla Íslands
                        Diploma.

2010 – 2013      Ljósmóðurfræði (Candidata  Obstetriciorum) frá Háskóla Íslands.

2005 – 2008      BSc Hjúkrunarfræði. University College Lillebælt, Vejle, Danmörk.

2001 – 2004      Tæknistúdent Vitus Bering og sjúkraliðanám (social og sundhedshjælper). Social og

                         sundhedsskolen Horsens, Danmörku.